អ្វីដែលមនុស្សស្រីត្រូវការបំផុតពីការចាប់ផ្ដើមសាងគ្រួសារ ឬជីវិតគូ គឺរបស់ទាំងបីនេះហើយ
ហេតុអ្វីបានជាយើងត្រូវស្វែងរកដៃគូ? ហេតុអ្វីបានជាត្រូវរៀបការ? ប្រហែលជាមានគេនិយាយថា ព្រោះតែក្តីស្រលាញ់។ យើងស្វែងរកដៃគូ ហើយរៀបការ ហេតុផលចម្បងបំផុតនោះគឺ យើងមានតម្រូវការចំពោះស្នេហា។
ឱ្យតែយើងយល់ពីដៃគូត្រូវការអ្វីនោះ ទើបអាចបំពេញតម្រូវការរបស់ដៃគូយើងបាន ធ្វើឱ្យទំនាក់ទំនងរបស់យើងកាន់តែរឹងមាំ។ ថ្ងៃនេះអ្វីដែលយើងត្រូវលើកមកនិយាយគឺ របស់ទាំងបីដែលមនុស្សស្រីត្រូវការបំផុត តែប្រហែលជាមនុស្សខ្លះមិនដឹងសូម្បីតែបន្តិច។
១. សន្តិភាពផ្លូវចិត្ត
“សន្តិភាពផ្លូវចិត្ត” បែងចែកជាពីរប្រភេទ មួយនៅលើ ផ្នែកសម្ភារ គឺអ្នកមានសមត្ថភាពផ្តល់អនាគតដែលនាងចង់បាន មិនចាំបាច់ដល់ថ្នាក់មានបានស្កុកស្តម្ភទេ តែយ៉ាងហោចណាស់ កុំដើម្បីតែជីវភាពរស់នៅ ត្រូវនឿយហត់លំបាកវេទនាដែរ ។
មួយប្រភេទទៀតគឺ នៅលើ ផ្នែកស្មារតី ពេលដែលនាងជួបនឹងបញ្ហាឧបសគ្គ អ្នកអាចងើបចេញមក បាំងខ្យល់បាំងភ្លៀងដើម្បីនាង ឱ្យនាងយល់ថាអ្នកសក្តិសមជាមនុស្សដែលនាងអាចពឹងពាក់បាន។ សន្តិភាពផ្លូវចិត្ត គឺជារបស់ដែលមនុស្សស្រីត្រូវការបំផុត បើមានថ្ងៃណាមួយអ្នកមិនអាចផ្តល់សន្តិភាពផ្លូវចិត្តដល់នាងបានទៀតហើយនោះ ដូច្នេះទំនាក់ទំនងរបស់អ្នកប្រហែលជាអាចនឹងដើរដល់ផ្លូវបញ្ចប់ហើយ។
២. កំដរ
“កំដរ” គឺជាការសារភាពនៃសេចក្តីស្នេហាដ៏ជាក់លាក់សម្រាប់បង្ហាញដល់នាង អ្វីដែលមនុស្សស្រីត្រូវការ គឺមានមនុស្សប្រើពាក្យថា “កំដរអ្នកមួយជីវិត” មកសារភាពប្រាប់ដល់នាង។ បានន័យថានាងលែងឯកាទៀតហើយ មានរឿងជាច្រើនដែលនៅក្នុងចិត្តអាចមានមនុស្សនិយាយប្រាប់។
ពីព្រោះមនុស្សស្រីប្រើអារម្មណ៍ជាធំ ដូច្នេះពួកគេកាន់តែត្រូវការអ្នកកំដរ មានពេលខ្លះអ្នកយល់ថានាងនៅស្អិតជាប់នឹងអ្នកមិនទៅណា ពីព្រោះអារម្មណ៍របស់នាង គឺត្រូវការអ្នកកំដរ នៅក្នុងពេលនេះ ត្រូវឧស្សាហ៍ឆ្លៀតពេលកំដរនាងផង ពីព្រោះការកំដររបស់អ្នកនៅក្នុងចិត្តរបស់នាង ប្រហែលជាសំខាន់គ្មានអ្វីប្រៀបផ្ទឹមបានទេ។
៣. គយគន់
“គយគន់” ក៏ជារបស់តែមួយគត់រវាងទំនាក់ទំនងប្រុស និងស្រីត្រូវការជាចាំបាច់។ អ្វីដែលមនុស្សស្រីត្រូវការគឺ “ការគយគន់” សង្កេតយ៉ាងល្អិតល្អន់ទៅលើរូបនាង អ្នកនឹងចាប់អារម្មណ៍ថាទង្វើរជាច្រើនរបស់នាងសុទ្ធតែនៅជុំវិញភាពដែលត្រូវបានគេគយគន់បង្ហាញចេញមកទាំងអស់ ដូចជា នាងចូលចិត្តធ្វើខ្លួន ផាត់មុខ ព្រោះចង់ឱ្យមិត្តភក្តិ និងប្តីរបស់នាងសរសើរពីសម្រស់របស់នាង ពាក្យសរសើររបស់អ្នកមួយម៉ាត់ អាចធ្វើឱ្យនាងសប្បាយចិត្តយ៉ាងខ្លាំង។
“គយគន់” គឺជាទឹកសន្សឹមនៃជីវិតអាពាហ៍ពិពាហ៍ សាកគិតបន្តិចទៅមើលថា ប្រសិនបើភាគីទាំងពីរមិនចេះគយគន់គ្នាទៅវិញទៅមកទេ ដូច្នេះទំនាក់ទំនងមួយនេះ តើសោះកក្រោះប៉ុនណាទៅ? ដូច្នេះហើយ នៅក្នុងជីវិតរស់នៅ សូមគយគន់នាងឱ្យបានច្រើន ទោះជាអ្វីដែលអ្នកនិយាយមិនមែនជាការពិតក៏ដោយ។
ដូច្នេះ អ្វីដែលមនុស្សស្រីត្រូវការ តាមពិតទៅគឺជារបស់ទាំង៣យ៉ាងនេះ បើសិនជាខ្វះ មនោសញ្ចេតនារបស់អ្នកនឹងអាចទទួលរងការប៉ះពាល់យ៉ាងខ្លាំង ចង់ឱ្យជីវិតស្នេហារបស់អ្នកមានសុភមង្គល សូមផ្តល់របស់ទាំងបីនេះដល់នាងចុះ ច្បាស់ណាស់ថា គ្រួសាររបស់អ្នកនឹងមានស្នាមញញឹម ច្រើនជាងភាពរង្គោះរង្គើ៕
@PHouy@0608@
ព័ត៌មានថ្មីៗ
