សញ្ញាទាំង ៧ ដែលបញ្ជាក់បានថា មនុស្សម្នាក់នោះកំពុងតែស្រឡាញ់អ្នក

• 2024-01-19
• Share

ពេលខ្លះមនុស្សម្នាក់នៅចំពោះមុខអ្នកអាចនឹងស្រលាញ់អ្នក ប៉ុន្តែអ្នកប្រហែលជាមិនដឹងទេ។ ប្រហែលជាអ្នកជាមិត្ដភក្ដិដែលដើរលេងច្រើន ហើយអ្នកថែមទាំងប្រាប់អ្នកដទៃថា មិនមានអ្វីកើតឡើងនោះទេ អ្នកគ្រាន់តែជា “ មិត្តភក្តិ” ទោះជាយ៉ាងណាក៏ដោយ អ្នកដឹងតិចតួចទេដែលថាមនុស្សនោះកំពុងមានអារម្មណ៍ល្អចំពោះអ្នក។

ឬប្រហែលជាអ្នកកំពុងណាត់ជួប​ប៉ុន្តែទទួលបានសញ្ញាចម្រុះពីពួកគេ ទោះបីជាពួកគេមិនបាននិយាយថា "ខ្ញុំស្រឡាញ់អ្នក" ក៏ដោយ ពួកគេកំពុងបង្ហាញអ្នកតាមរយៈសកម្មភាពមិនប្រក្រតីរបស់ពួកគេ ដូចជាពួកគេបានជួយអ្នកនៅពេលដែលអ្នកបញ្ហាខ្លាំងដែលត្រូវការជំនួយភ្លាមៗ។

ខណៈពេលដែលមិនមានវិធីធានាដើម្បីដឹងថា តើមនុស្សម្នាក់ពិតជាស្រឡាញ់អ្នកមែននោះ ទាំងនេះមានសញ្ញាមួយចំនួនដែលគេបង្ហាញពីអារម្មណ៍របស់ពួកគេ ៖

១. ពួកគេមានភាពសប្បាយរីករាយជាមួយអ្នក

ទោះបីជាភារកិច្ចនៅនឹងដៃ មិនមានភាពសប្បាយរីករាយក៏ដោយ។ នោះវាអាចជាស្នេហា ប្រសិនបើពួកគេសប្បាយចិត្តដែលឃើញអ្នក មិនថាអ្នកទាំងពីរកំពុងធ្វើអ្វីក៏ដោយ មានការងាររវល់ដែលកំពុងធ្វើក៏ដោយឬតានតឹង។

២. ពួកគេតែងតែមើលអ្នក ឬលួចមើលអ្នក

សូមកត់សម្គាល់ថា តើពួកគេមើលអ្នកញឹកញាប់ប៉ុនណា នៅពេលអ្នកនៅជិតគេ។ នៅពេលនរណាម្នាក់មានស្នេហាជាមួយអ្នក ពួកគេនឹងសម្លឹងមើលភ្នែកអ្នកដោយផ្ទាល់ និងរយៈពេលយូរជាងនេះពួកគេចង់មានវត្តមានជាមួយអ្នក” ។

៣. ពួកគេយកចិត្តទុកដាក់ចំពោះអ្នក

វេជ្ជបណ្ឌិត Flores បាននិយាយថា “ នរណាម្នាក់អាចនឹងស្រលាញ់នៅពេលពួកគេចាប់ផ្តើម ផ្តោតការយកចិត្តទុកដាក់ច្រើនលើអ្នក ជាពិសេសក្នុងចំណោមអ្នកឯទៀត។

៤. ពួកគេតែងតែយល់ពីស្ថានភាពរបស់អ្នក ទោះក្នុងស្ថានភាពល្អ ឬអាក្រក់ក៏ដោយ

នៅពេលនរណាម្នាក់មិនត្រឹមតែ ចេះអាណិតអាសូរនៅពេលមានរឿងកើតឡើងចំពោះអ្នកប៉ុណ្ណោះទេ តែថែមទាំងចេះយល់ចិត្តអ្នក វាអាចជាសញ្ញាមួយទៀតដែលបង្ហាញថា ពួកគេស្រលាញ់អ្នក។ និយាយម្យ៉ាងទៀត សុភមង្គលរបស់អ្នកគឺជាសុភមង្គលរបស់ពួកគេ ហើយការឈឺចាប់របស់អ្នកគឺជាការឈឺចាប់របស់ពួកគេ។

៥. ពួកគេចងចាំរឿងតូចតាច

នរណាម្នាក់នឹងស្រឡាញ់អ្នកបើគេយកចិត្តទុកដាក់លើរឿងតូចតាច ព្រោះពួកគេនឹងធ្វើវា។ គេនឹងចងចាំថាអ្នកនឹងចង់ញាំអ្វី ពណ៌ដែលអ្នកចូលចិត្ត ឬចូលចិត្តមើលរឿងបែបណា និងរឿងតូចៗផ្សេងទៀតដែលគេអាចបង្ហាញទៅអ្នក។

៦. ពួកគេណែនាំអ្នកឱ្យស្គាល់មនុស្សសំខាន់នៅក្នុងជីវិតរបស់ពួកគេដូចជា មិត្តភក្តិជិតស្និទ្ធរបស់គេ  ឬក្រុមគ្រួសាររបស់គេ។

៧. ពួកគេច្រើនតែនិយាយពីអនាគត

តើបុគ្គលនោះធ្វើយ៉ាងណានៅពេលនិយាយអំពីអនាគត? តើពួកគេនិយាយភាសា "យើង" ឬ "ខ្ញុំ" បន្ថែមទៀតទេ? យ៉ាងណាមិញ មនុស្សរាល់គ្នាមិនសូវនិយាយអំពីអនាគត ឬផ្លូវទៅខាងមុខ និងវែងឆ្ងាយជាមួយអ្នកណាម្នាក់ទេ លើកលែងតែគេចង់ឱ្យអ្នកមករួមរស់នៅក្នុងជីវិត និងនៅក្បែរអ្នក។ រៀនកត់សម្គាល់ពីរបៀបដែលមនុស្សមានអាកប្បកិរិយានៅជុំវិញអ្នក៕

អត្ថបទ ៖ Mythical2