kalib9

លាមករបស់អ្នកអាចប្រាប់អំពីបញ្ហាសុខភាពរបស់អ្នក!

គ្មាននរណាម្នាក់ចូលចិត្តនិយាយអំពីលាមករបស់ពួកគេនោះទេ ប៉ុន្តែវាគួរតែមានតម្លៃចំពោះការយល់ដឹង ដែលបានផ្តល់នូវតួនាទីសំខាន់ ក្នុងការរក្សារាងកាយឱ្យមានសុខភាពល្អ។

ចលនាពោះវៀន គឺជាផ្នែកសំខាន់នៃការរំលាយអាហារ។ លាមកបង្កើតឡើងដោយពោះវៀនធំ គឺជាវិធីធម្មជាតិរបស់រាងកាយ ក្នុងការកម្ចាត់កាកសំណល់ និងជាតិពុលពីក្នុងខ្លួន។

ចលនាពោះវៀនធំ ធម្មតាគឺជាតុល្យភាពរវាង ការមិនរុញ ឬតានតឹងហើយ ក៏មិនមានភាពបន្ទាន់ ដើម្បីទៅដែលអ្នកស្ទើរតែមិនអាចទប់បាន។

ភាគច្រើននៃពួកយើង មិនគិតពីការពិនិត្យលាមករបស់យើងនៅក្នុងបង្គន់ទេ។ ប៉ុន្តែប្រសិនបើអ្នកមានស្មារតីដឹងខ្លួន អំពីសុខភាពរបស់អ្នក អ្នកត្រូវតែពិនិត្យមើលជាទៀងទាត់។ ពណ៌វាយនភាព និងស្ថិរភាពនៃលាមករបស់អ្នកអាចផ្តល់ តម្រុយអំពីសុខភាពខាងក្នុងរបស់អ្នក។

អ្នកអាចរកមើលការផ្លាស់ប្តូររបស់វាជាជាងភាពមិនប្រក្រតីជាបណ្តោះអាសន្ន ដែលមានរយៈពេលតែមួយ ឬពីរថ្ងៃ។

ការផ្លាស់ប្តូរជាប់លាប់ដែលមានរយៈពេលមួយសប្តាហ៍ ឬច្រើនជាងនេះ អាចនិយាយច្រើនអំពីសុខភាពរបស់អ្នក។

 

ខាងក្រោមនេះ គឺជាអ្វីដែលគ្រូពេទ្យនិយាយអំពីសុខភាពរបស់អ្នក៖

១. រឹងដុំៗ ជាបំណែក

 

ប្រសិនបើអ្នកចំណាយពេលច្រើននៅលើចានបង្គន់ ដោយសារតែលាមករបស់អ្នកមានរូបរាងដុំតូចៗ ឬកំណាត់ វាអាចមានន័យថារាងកាយអ្នកខ្សោះជាតិទឹក ឬអ្នកទល់លាមក។

អ្នកក៏អាចមានការទល់លាមក ទោះបីជាអ្នកទៅបន្ទប់ទឹកជារៀងរាល់ថ្ងៃក៏ដោយ ប៉ុន្តែលាមករបស់អ្នករឹង ហើយចេញមកជាបំណែក។ ការរុញច្រាន ឬពិបាកខ្លាំងពេក គឺមិនល្អទេព្រោះ វាអាចបណ្តាលឱ្យជំងឺឬសដូងបាត ដែលមានជាទូទៅកើតមានឡើងនៅសព្វថ្ងៃនេះ។

ការទទួលទានទឹកឲ្យបានច្រើន ហើយបរិភោគអាហារដែលមានជាតិសរសៃរលាយ និងមិនរលាយអាចជួយបាន។

បន្ថែមអាហារដែលសំបូរទៅដោយម៉ាញ៉េស្យូមផងដែរ។ ម៉ាញ៉េស្យូមទាញទឹកចូលទៅក្នុងពោះវៀន ធ្វើឱ្យលាមកមានសភាពទន់ និងងាយស្រួលក្នុងការធ្វើចលនាពោះវៀន។ វាក៏ជួយសម្រាកសាច់ដុំនៅជញ្ជាំងពោះវៀន ដែលអាចជួយដល់ការទល់លាមកផងដែរ។

២. លាមកពណ៌ខ្មៅ

 

លាមករបស់ទារកទើបនឹងកើត មានពណ៌ខ្មៅក្នុងកំឡុងពេលពីរបីថ្ងៃដំបូងបន្ទាប់ពីកំណើត ប៉ុន្តែឆាប់ពណ៌ប្រែទៅជាធម្មតា។

ប៉ុន្តែប្រសិនបើមនុស្សពេញវ័យមានលាមកមានពណ៌ខ្មៅ វាអាចបណ្តាលមកពីបញ្ហាតូចតាចមួយចំនួន ដូចជាការញ៉ាំអ្វីដែលមានពណ៌ខ្មៅ ឬប្រើថ្នាំឬអាហារបំប៉ន។

ប៉ុន្តែប្រសិនបើលាមកមានពណ៌ខ្មៅ កើតមានជាប្រចាំវាអាចជាសញ្ញានៃបញ្ហាធ្ងន់ធ្ងរ ដូចជាការហូរឈាមនៅផ្នែកខាងលើនៃបំពង់រំលាយអាហាររបស់អ្នក ដោយសារតែដំបៅរលាកបំពង់អាហារក្នុងបំពង់អាហាររបស់អ្នក ពីការចាល់អាស៊ីត ដុំសាច់ដែលមិនមែនជាជំងឺមហារីក និងជំងឺមហារីក។

ប្រសិនបើអ្នកមានលាមកពណ៌ខ្មៅ ហើយមិនគិតថាវាជាអ្វីដែលអ្នកញ៉ាំនោះទេ អ្នកត្រូវតែជួបគ្រូពេទ្យជាបន្ទាន់។

៣. លាមកដែលមានពណ៌ក្រហមព្រើងៗ

 

លាមកខ្មៅ ដែលមានពណ៌ក្រហម ឬពណ៌ក្រហមមិនធម្មតា។ វាអាចបង្ហាញពីការហូរឈាមក្នុងដំបៅពោះវៀនធំ ឬរន្ធគូថ។ នេះអាចបណ្តាលមកពីដុំសាច់ ដែលហើមពោះវៀន ជំងឺមហារីក រលាកក្នុងពោះវៀនធំ (colitis) ជំងឺ diverticular និងជំងឺឬសដូងបាត។

ទោះជាយ៉ាងណាក៏ដោយ ប្រសិនបើលាមករបស់អ្នកមានពណ៌ក្រហមត្រឹមតែ ១ ឬ ២ថ្ងៃប៉ុណ្ណោះ នោះគ្មានអ្វីដែលគួរព្រួយបារម្ភនោះទេ។ នេះអាចបណ្តាលមកពីការញ៉ាំអាហារ ឬភេសជ្ជៈដែលមានជាតិពណ៌ក្រហម។

ពិគ្រោះជាមួយគ្រូពេទ្យភ្លាមៗ ប្រសិនបើអ្នកឃើញលាមកមានពណ៌ក្រហម ដែលប្រហែលជាមិនមែនមកពីអាហារដែលអ្នកញ៉ាំ។

៤. លាមកពណ៌ខៀវ

 

លាមកមានពណ៌បៃតង ទំនងជាមានន័យថាអ្នកបានទទួលទានបន្លែពណ៌បៃតង ឬចំណីអាហារដែលមានពណ៌ដូចគ្នានឹងការ៉េម នំសណ្តែកជាដើម។ វាក៏អាចបណ្តាលមកពីជាតិដែក ឬថ្នាំគ្រាប់ផ្សេងទៀតដែលអ្នកអាចនឹងទទួលបាន។

ប្រសិនបើអ្នកមានជំងឺរាកពណ៌បៃតង វាមានន័យថាអាហាររបស់អ្នករាលដាលទៅក្នុងពោះវៀនរបស់អ្នកលឿនពេក ដូច្នេះហើយមិនត្រូវអោយពេលវេលានៃការរំលាយជាតិខ្លាញ់ទៅជាប្រូតេអ៊ីនទេ។

ទោះជាយ៉ាងណាក៏ដោយស្នាមប្រឡាក់ពណ៌បៃតង ដែលមានជាតិ និងពណ៌បៃតងអាចបង្ហាញថាអ្នកមានការឆ្លងមេរោគ clostridium difficile។ ជាធម្មតាវាកើតឡើងបន្ទាប់ពីថ្នាំអង់ទីប៊ីយោទិច ដែលអាចសម្លាប់បាក់តេរីល្អ ដែលជាទូទៅរក្សាមេរោគបាក់តេរី C. diff។

៥. ឈាមក្នុងលាមក

 

មើលឃើញឈាមពណ៌ក្រហមភ្លឺក្នុងលាមករបស់អ្នក គឺជាអ្វីដែលអ្នកត្រូវធ្វើយ៉ាងខ្លាំង។​

ឈាមដែលមើលឃើញនៅក្នុងលាមករបស់មនុស្ស គឺជាសញ្ញាដំបូងនៃការហូរឈាមតាមរន្ធគូថ។ ឈាមក្នុងលាមកអាចមានពណ៌ក្រហម ឬពណ៌ខ្មៅ។

ម្យ៉ាងវិញទៀតឈាមនៅខាងក្រៅលាមករបស់អ្នក អាចបង្ហាញថាមានជំងឺឬសដូងបាត ឬអ្នកមានសាច់ដុំស្វិតដោយសារតែការទល់លាមក។

មូលហេតុផ្សេងទៀតសម្រាប់ឈាមនៅក្នុងលាមករបស់អ្នក គឺដំបៅក្រពះ រលាកពោះវៀន សរសៃឈាមមិនធម្មតា ការរលាកនៃស្រទាប់ខាងក្នុងក្រពះ រលាករន្ធគូថ រលាកពោះវៀនធំ ជំងឺមហារីក ការរលាកនៃភ្នៀសពោះវៀន ជំងឺរលាកពោះវៀនធំ ឬការឆ្លងមេរោគពោះវៀន។

នៅពេលណាដែលអ្នកសម្គាល់ឃើញឈាមនៅក្នុងលាមករបស់អ្នក អ្នកគួរតែទៅជួបគ្រូពេទ្យ ដើម្បីបដិសេធនូវលទ្ធភាពនៃបញ្ហាសុខភាពធ្ងន់ធ្ងរណាមួយ។

៦. លាមកអណ្តែត

 

ប្រសិនបើអ្នកកត់សម្គាល់ឃើញថា លាមករបស់អ្នកអណ្ដែតនៅក្នុងចានបង្គន់ វាអាចដោយសារមូលហេតុជាច្រើន។

តាមធម្មតាការលាមកអណ្តែត គឺបណ្តាលមកពីអ្វីដែលអ្នកញ៉ាំ។ ការផ្លាស់ប្តូររបបអាហាររបស់អ្នក អាចបណ្តាលឱ្យកើនឡើងនូវឧស្ម័ន ដែលអាចបណ្តាលអោយលាមកអណ្ដែត។ មូលហេតុទូទៅមួយទៀត គឺការស្រូបយកសារធាតុចិញ្ចឹមមិនល្អ។ លាមកអណ្តែតក៏អាចបង្ហាញ ពីការឆ្លងមេរោគក្រពះពោះវៀនដែរ។

ទោះជាយ៉ាងណាក៏ដោយ ប្រសិនបើលាមកបណ្តែតទឹក ក្លាយទៅជារឿងធម្មតាវាអាចបណ្តាលមកពីការរលាក នៅលំពែងដែលការពាររាងកាយ ពីការផលិតអង់ស៊ីមរំលាយអាហារបានគ្រប់គ្រាន់។ អាឡែរហ្សី ឬការឆ្លងមេរោគដែលអាចធ្វើឱ្យខូចខាត ដល់ស្រទាប់ពោះវៀនអាចជាមូលហេតុផងដែរ។

មូលហេតុភាគច្រើននៃលាមកអណ្តែត នឹងបាត់ទៅវិញដោយគ្មានការព្យាបាល ប៉ុន្តែសូមទៅជួបគ្រូពេទ្យប្រសិនបើបញ្ហានៅតែបន្ត។

ប្រែសំរួលដោយ៖ សុខ សុវណ្ណវិសាល

ប្រភព៖ top10homeremedies