kalib9

ប្រយ័ត្ន! ប្តីប្រពន្ធមួយគូ ចូលគេងក្នុងសណ្ឋាគារមួយយប់ បានប្រទះឃើញកាមេរ៉ាបង្កប់ ថតតម្រង់ចំគ្រែគេង ពិនិត្យក្នុងកាមេរ៉ាសុទ្ធតែ…!

នៅក្នុងពេលបច្ចុប្បន្ននេះប្រព័ន្ធអ៊ីនធឺរណែតមានការវិវត្តន៍យ៉ាងខ្លាំង ដូច្នេះហើយពត៌មានផ្ទាល់ខ្លួនរបស់យើងអាចងាយនឹងត្រូវលួចដោយអ្នកដទៃប្រសិនបើយើងមិនមានប្រព័ន្ធសុវត្ថិភាពរឹងមាំ។ មានឧប្បត្តិហេតុជាច្រើនដែលបានកើតឡើង ហើយមនុស្សត្រូវយកចិត្តទុកដាក់បន្ថែមទៀតអំពីរបៀបការពារភាពឯកជននិងព័ត៌មានផ្ទាល់ខ្លួនរបស់ពួកគេ។ ទោះយ៉ាងណាក៏ដោយនៅក្នុងសណ្ឋាគារមួយចំនួនភាពឯកជនផ្ទាល់ខ្លួននៅតែពិបាកក្នុងការទទួលបាន។

ថ្មីៗនេះលោកលីនិងភរិយា (ប្រទេសចិន) របស់គាត់នៅពេលដែលពួកគេស្នាក់នៅសណ្ឋាគារបានរកឃើញរន្ធចំឡែក។ “នៅព្រឹកបន្ទាប់ពេលខ្ញុំភ្ញាក់ឡើងស្វាមីខ្ញុំបានសាកទូរស័ព្ទ ប៉ុន្តែរន្ធព្រីភ្លើងវាបែជាមិនមានអគ្គីសនី។ ជាច្រើនដងនៅតែមិនអាចសាកបាន ដូចនេះគាត់បានសំរេចចិត្តពិនិត្យមើលថាហេតុអ្វីបានជាព្រីភ្លើងនេះមិនអាចសាកបាន។”

បន្ទាប់ពីមានអារម្មណ៍ថាមានអ្វីចម្លែកនៅក្នុងរន្ធព្រី លោកលីបានបើកប្រអប់រន្ធព្រីភ្លើង និងបានរកឃើញថានៅខាងក្នុងនោះគឺកាមេរ៉ាខ្នាតតូចមួយដែលត្រូវបានគេដាក់តម្រង់ឆ្ពោះទៅរកគ្រែគេង និងកន្លែងអង្គុយ។

លោកលីបានភ្ជាប់កាមេរ៉ានេះចូលក្នុងកុំព្យូទ័ររបស់គាត់ ហើយពួកគេមានការភ្ញាក់ផ្អើលជាខ្លាំងដោយនៅក្នុងកាមេរ៉ានោះមានវីដេអូក្តៅសាច់របស់គូស្នេហ៍ជាច្រើនដែលបានគេងនៅក្នុងបន្ទប់នេះ រួមទាំងមានឈុតរបស់គាត់ជាមួយនឹងភរិយារបស់គាត់ទៀតផង។

លោកលីបានខឹងយ៉ាងខ្លាំង ហើយគាត់បានទៅជួបអ្នកគ្រប់គ្រងសណ្ឋាគារ ប៉ុន្តែទោះជាយ៉ាងណាក៏ដោយអ្នកគ្រប់គ្រងសណ្ឋាគារបាននិយាយថារឿងនេះមិនទាក់ទងនឹងពួកគេទេពីព្រោះពួកគេមិនបានដំឡើងកាមេរ៉ានេះឡើង ដែលរឿងនេះទំនងជាបង្កឡើងដោយមនុស្សណាម្នាក់ដែលបានស្នាក់នៅក្នុងបន្ទប់នេះ ហើយបានតម្លើងកាមេរ៉ានេះឡើង ដើម្បីថតយកវីដេអូក្តៅសាច់របស់គូស្នេហ៍ដែលបានមកគេងនៅក្នុងបន្ទប់នេះ។

ចម្លើយនេះធ្វើឱ្យគូស្វាមីភរិយាមានភាពស្ងប់ស្ងាត់បន្តិច ពីព្រោះករណីនេះអាចត្រូវបានមនុស្សអាក្រក់បានតម្លើងកាមេរ៉ានេះ។ ប៉ុន្តែទោះជាយ៉ាងណាក៏ដោយការគ្រប់គ្រងរបស់សណ្ឋាគារធ្វើឱ្យគូស្វាមីភរិយាមិនសប្បាយចិត្ត។ សណ្ឋាគារគួរតែផ្តល់ឱ្យអតិថិជននូវបរិយាកាសដែលមានសុវត្ថិភាពនិងមានផាសុខភាពជាជាងអ្វីដែលបានកើតឡើងហើយ តែបើជានិយាយថាមិនបានដឹង ខាងសណ្ឋាគារមិនមែនជាអ្នកតម្លើង។

នៅទីបំផុតប្តីប្រពន្ធនេះបានសម្រេចចិត្តរាយការណ៍ទៅប៉ូលីស ហើយគាត់ក៏បានណែនាំមនុស្សរាល់គ្នានៅពេលស្នាក់នៅក្នុងបន្ទប់សណ្ឋាគារសូមមានការប្រុងប្រយ័ត្ន ហើយសណ្ឋាគារត្រូវតែត្រួតពិនិត្យដោយប្រុងប្រយ័ត្នពីរន្ធព្រី កញ្ចក់ ទូរសំលៀកបំពាក់ជាដើម … ដើម្បីការពារសុវត្ថិភាពជូនដល់ភ្ញៀវ។

 

ដោយ៖ វីរៈ | ប្រភព៖ Feedy

Loading...